مدير مسرح الشباب يكشف تفاصيل ورشة «ابدأ حلمك» #مصر

قال المخرج عادل حسان، مدير مسرح الشباب: “إحنا لما قولنا ابدأ حلمك هنا في مسرح الشباب كنا قاصدين إننا بناخد الناس اللي عندهم استعدادات وموهبة التمثيل عنده واصلة إلى درجة مرضية ومقبولة، وبنبدأ نطور هذه الموهبة لغاية لما توصل للدرجة المطمئنة”.

تفاصيل مبادرة “ابدأ حلمك”

وأضاف المخرج عادل حسان، خلال لقائه مع الإعلامي عمرو عبدالحميد، ببرنامج “من القاهرة” المذاع على فضائية “سكاى نيوز عربية”، اليوم السبت: “الطالب بيدرس على مدار 6 شهور مجانا، مفيش أي رسوم خالص الورشة مدعومة بالكامل من الدولة، وبعد التخرج كمان بنقدر نختار بعض العناصر المتميزة وبيوصلوا لـ50% من عدد الخريجين، وبننتج لهم عروض إنتاج مسرح الشباب، وبيتم افتتاحها للجمهور”.

وتابع: “خريج الورشة اللي بيشتغل في هذه العروض بيأخذ مقابل مادي، هو مش مقابل كبير بس في النهاية المقابل بيقدر يساعده أنه ينزل كل يوم من بيته وييجي يقدم عرض مسرحي”.

المصدر:

ياسمين عباس

studio.dostor.org